Borðplatan er úr innfluttri, gegnheilli eik sem hefur verið meðhöndluð sérstaklega fyrir hvert einstakt borð. Áferð getur verið slétt eða gróf. Opnir kvistir og grófar æðar gefa borðinu mikið líf og mikinn glæsileika.
Hægt er að fá "Lötu Lísu“ (Lazy Susan), snúningsplötu á miðju borðsins, sem eykur á stemmingu og notagildi. Auðvelt er að taka snúningsplötuna af borðinu sjálfu, því hún er ekki föst við borðið sjálft.
Borðið fær sex umferðir af „gamaldags“ viðarolíu. Það fær að þorna á milli umferða og er meðhöndlað með fínum sandpappír. Þannig verður viðurinn mettur og reiðubúinn til að takast á við fjölskyldulíf á nýju fallegu heimili. Borðið kemur á svartmáluðum stálfótum.
